mercury direct in pisces: மீன ராசியில் புதன் பெயர்ச்சி: துலாம் முதல் மீன ராசி வரை அற்புத பலன் யாருக்கு?

மீன ராசியில் மார்ச் 24ம் தேதி புதனின் பெயர்ச்சி நிகழ்கிறது. ஏப்ரல் 8ம் தேதி வரை மீனத்தில் இருப்பார். பொருளாதார ரீதியாகவும், ஆரோக்கியம், தொழில் ரீதியாக சில முன்னேற்றமும், சிலருக்கு பிராச்னைகளும் ஏற்பட வாய்ப்புள்ளது. மேஷம், ரிஷபம், மிதுனம், கடகம், சிம்மம், கன்னி, துலாம் ராசிகளுக்கு எப்படிப்பட்ட பலன் கிடைக்கும் என்பதைப் பார்ப்போம்.

​துலாம் ராசி

துலாம் ராசிக்கு 6ம் வீடான நோய், எதிரி ஸ்தானத்தில் புதனின் சஞ்சாரம் நிகழ்வதால் பெற்றோரின் ஆரோக்கியத்தில் கவனம் தேவை. குழந்தைகள் கல்வி தொடர்பான செலவுகள் அதிகரிக்க வாய்ப்புள்ளது.

துலாம் ராசி ராகு கேது பெயர்ச்சி பலன்கள் 2022 – நிதி நெருக்கடியை சாமாளிக்க தயாராகுங்கள்…

வீடு, வெளியிடத்தில் சில சச்சரவுகள் ஏற்பட வாய்ப்புள்ளது. ஆரோக்கிய விஷயத்தில் தனி கவனம் செலுத்தவும். உங்களின் தன்னம்பிக்கை குறைய வாய்ப்புள்ளது என்பதால் எந்த ஒரு செயலையும் சிறு தயக்கத்துடன் தொடங்குவீர்கள். பணியிடத்திலும் சில தடைகள் வரலாம். தந்தையுடனான உறவில் விரிசல் ஏற்படலாம்.

ராகு கேது பெயர்ச்சி 2022 கவனமாக இருக்க வேண்டிய ராசிகள்

​விருச்சிகம்

விருச்சிக ராசிக்கு 5ம் வீடான பூர்வ புண்ணிய ஸ்தானத்தில் புதன் சஞ்சரிக்கிறார். பங்கு சந்தையுடன் தொடர்புடையவர்கள், பங்கு சந்தை முதலீட்டாளர்களுக்குப் பெரியளவில் சாதகமானதாக இருக்காது. பெரிய முதலீடுகளைச் செய்வதைத் தவிர்க்கவும்.

உங்களின் பிள்ளைகளின் கல்வி, கேள்விக்காக அதிக செலவு செய்ய வேண்டிவரும். காதல் விஷயங்களில் பேச்சில் கவனமும், நிதானத்தைக் கடைப்பிடிக்கவும்.புதன் கிழமைகளில் சிவாலய வழிபாடு செய்வதும் கோவில் பச்சைப் பயறு தானம் செய்யவும்.

மீன ராசியில் புதன் பெயர்ச்சி: மேஷம் முதல் கன்னி ராசி வரை

​தனுசு ராசி

தனுசு ராசிக்கு 4ம் வீடான சுக, தாயார் ஸ்தானத்தில் சஞ்சரிக்கக்கூடிய புதன் பகவானால், உங்களுக்கு வேலையில் பாதுகாப்பின்மை, பயம் ஏற்படலாம். போட்டித் தேர்வுகளுக்குத் தயாராகிக் கொண்டிருந்தவர்கள் வெற்றி கிடைக்க வாய்ப்புள்ளது. அதே சமயம் வெளிநாடு சென்று கல்வி கற்க விரும்பும் மாணவர்களின் கனவையும் நனவாக வாய்ப்புள்ளது.

காதல் உறவுகளிலும் நல்ல மாற்றங்கள் காணப்படும். உங்கள் வார்த்தைகளில் கவனமாகவும், தெளிவாகவும் பேசவும். உங்கள் புகழ் அதிகரிக்கும். சமூகம் மற்றும் அரசியல் தொடர்பானவர்களின் ரசிகர்களின் எண்ணிக்கை அதிகரிக்கும். புதன்கிழமைகளில் விஷ்ணு சஹஸ்ரநாமம் பாராயணம் செய்யவும்.

​மகர ராசி

மகர ராசிக்கு 3ம் வீடான இளைய சகோதரர், தைரிய ஸ்தானத்தில் புதனின் சஞ்சாரம் நிகழ்கிறது. உங்களின் உத்தியோகத்தில் மன நிம்மதியும், பதவி உயர்வு கிடைக்கவும் வாய்ப்புள்ளது. வணிக திட்டங்கள் நிறைவேற வாய்ப்புள்ளது. நிதி சார்ந்த விஷயங்கள் உங்களுக்கு ஏற்றம் கிடைக்கும். குடும்பம், வேலை சார்ந்த சில பதற்றமான சூழல் ஏற்படலாம்.

புதன் கிழமை தோறும் பசுவிற்கு கீரை வழங்கி வணங்கவும்.

​கும்பம்

கும்ப ராசிக்கு 2ம் வீடான குடும்பம், தன ஸ்தானத்தில் சஞ்சரிக்கக்கூடிய புதனால் உங்களுக்கு பணம் மற்றும் குடும்பம் சார்ந்த விஷயங்களில் மன நிறைவு கிடைக்கும். தொழில் சார்ந்த விஷயங்களில் திடீர் லாபம் பெறலாம். வேலை, வியாபாரத்தில் கடின உழைப்பு தேவைப்படும்.

தந்தை, மூதாதையர் சொத்துக்கள் வகையில் ஆதாயம் கிடைக்கும். நீங்கள் கொடுத்த கடன் தொகை திரும்ப கிடைக்க வாய்ப்புள்ளது. வேலை தேடுபவர்களுக்கு வெற்றி கிடைக்கும். குடும்ப வாழ்க்கையில் மகிழ்ச்சியையும் ஆதரவையும் பெறுவீர்கள். பரிகாரமாக, துளசி செடியை நட்டு, தினமும் பராமரித்து வரவும்.

​மீன ராசி

மீன ராசியிலேயே புதனின் சஞ்சாரம் நிகழ்வதால் உங்களுக்கு எந்த ஒரு விஷயத்திலும் ஏற்றம் தரக்கூடியதாக இருக்கும். வணிகத்தில் ஏற்றம் தரக்கூடியதாகவும், லாபம் அதிகம் கிடைக்க வாய்ப்புள்ளது. பண உதவியை எதிர்பார்ப்பவர்களுக்குக் கிடைக்க வாய்ப்புள்ளது.

திருமண வாழ்க்கையில் சில கருத்து வேறுபாடுகள் இருந்தாலும் இனிமையானதாக இருக்கும். பரிகாரமாக, தினமும் காலையில் மகா விஷ்ணுவை வழிபடவும்.

Source link

Leave a Comment