simmam rahu ketu peyarchi 2022: சிம்மம் ராகு கேது பெயர்ச்சி 2022 பலன்கள் : முயற்சிகள் நற்பலன் கிடைக்கும்,ஆரோக்கியத்தில் கவனம் – leo rahu ketu transit effects 2022 : simmam rasi people should maintain patience

நிழல் கிரகம் அல்லது சாயா கிரகம் என அழைக்கப்படும் ராகு கேது பெயர்ச்சி, வாக்கிய பஞ்சாங்கத்தின்படி பிலவ ஆண்டு மார்ச் 21ம் தேதி மதியம் 3.02 மணிக்கு பெயர்ச்சி ஆகிறார். இந்த நிகழ்வின் போது ராகு ரிஷபத்தில் இருக்கும் கார்த்திகை 2ம் பாதத்திலிருந்து மேஷ ராசியில் இருக்கும் கார்த்திகை 1ம் பாதத்திற்கும், கேது விருச்சிகத்தில் இருக்கும் விசாகம் 4ம் பாதத்திலிருந்து, துலாம் ராசி விசாக நட்சத்திரம் 3ம் பாதத்திற்குப் பெயர்ச்சி ஆக உள்ளார்.

திருக்கணித பஞ்சாங்கத்தின்படி 2022 ஏப்ரல் 12 ம் தேதி மதியம் 1.38 மணியளவில் இந்த ராகு – கேது பெயர்ச்சி நிகழ்வதாக ஜோதிட வல்லுநர்கள் தெரிவிக்கின்றனர்.

நவகிரகங்களின் ராகு – கேது இருந்தாலும், மற்ற கிரகங்களுக்கென ஏதேனும் ஒரு ராசிக்கு அதிபதியாக இருப்பார்கள். ராகு கேதுவுக்கு அப்படி தனியாக எந்த இடமும் கிடையாது. அவர்கள் எந்த ராசி, நட்சத்திரத்தில் சஞ்சரிக்கின்றனரோ, அந்த கிரகத்தின் காரகத்துத்தை எடுத்துக் கொடுக்கு அதற்கான பலன்களைத் தருவார்கள்.

ராகு கேது பெயர்ச்சியால் சிக்கி கஷ்டப்படப்போகும் ராசிகள்

பொதுவான பலன்கள் :
சிம்ம ராசிக்கு 9ம் வீடான பாக்கிய ஸ்தானத்தில் ராகு இருப்பது நல்லதில்லை என்றாலும், மூன்றாம் வீடான முயற்சி ஸ்தானத்தில் கேது சஞ்சரிப்பதால் உங்களின் முயற்சிகளுக்கு கை மேல் பலன் தரக்கூடியதாக இருக்கும் என்பதால் சிறப்பான பலன்களை எதிர்பார்க்கலாம்.

நற்பலன்கள் :
ஞானத்தை தரக்கூடிய கேது 3ம் பார்வையாக உங்கள் ராசிக்கான பூர்வ புண்ணிய ஸ்தானத்தைப் பார்ப்பதால், வம்பு, வழக்குகளில் உங்களுக்கு சாதகமான பலன்கள் கிடைக்கும். பிரச்சினைகளிலிருந்து நல்ல பாடம் கிடைக்கும்.
திருமணமானவர்களுக்குக் குழந்தை பாக்கியம் ஏற்படும். வண்டி, வாகன சேர்க்கை உண்டாகும்.

குரு தரும் பலன் :
குரு பகவான் தற்போது 7ம் இடத்தில் இருக்கிறார். ஏப்ரல் 13ல் அவர் 8ம் இடத்திற்கு மாற உள்ளார். 2023ல் ஏப்ரலில் குரு ராசிக்கு 9ம் இடத்திற்கே வரும் போது அவர் அற்புத பலனைத் தருவார்.
8ல் சஞ்சரிக்கக்கூடிய இந்த ஒருவருட காலத்தில் உங்களின் தந்தை, பெரியவர்களின் ஆரோக்கியத்தில் கவனம் தேவை.

அதுமட்டுமல்லாமல் 9ல் ராகுவால் ஏற்படக்கூடிய கெடுபலன்களையும், குருவின் இந்த பெயர்ச்சியால் நற்பலன்களாக மாறும்.

ராகு தரும் பலன்கள் :
ராகு பகவான் ராசிக்கு 9ம் வீட்டில் சஞ்சரிப்பதால், பூர்வீக சொத்து சார்ந்த பிரச்னைகள் ஏற்படலாம். ராகுவுடன் குரு இணையக்குடிய காலம் வரை பிரச்சினை நீடிக்கும். அடுத்தாண்டு 9ல் ராகுவுடன் குரு சேரக்கூடிய காலம் வரை பிரச்னைகள் நீடித்தாலும், அதன் பின்னர் நீங்கள் விரும்பிய செயல்களும், கடின உழைப்பிற்கான பலன்களும் நிச்சயம் கிடைக்கும். உங்களின் ஆளுமை அதிகரிக்கும்.
தந்தை ஸ்தானத்தில் ராகு வருவதால் தந்தை வழி உறவில் பிரச்சினைகள் வரும் என்பதால் கவனமுடன் கையாளவும்.

குரு, ராகு – கேது, சனி பெயர்ச்சிகள் – ஏப்ரல் மாதத்தில் முக்கிய கிரக பெயர்ச்சிகள்
கேது தரும் பலன்கள் :
கல்வி:
கேது 3ல் இருப்பதால் உங்களின் முயற்சிகள் அதிகரிக்கும். மாணவர்கள் கல்வியில் சிறப்பாக முயன்று படிப்பார்கள். படிப்பில் மேன்மை அடைவார்கள்.

உறவு:
3ல் கேது இருப்பதால் இளைய சகோதரர்கள் விஷயத்தில் கவனம் தேவை. அவர்களின் ஆரோக்கியத்தில் கவனமாக இருப்பதோடு, எந்த வித பிரச்சினைகளும் ஏற்படாதவாறு நடந்து கொள்ளுங்கள். விட்டுக் கொடுத்துச் செல்வதால் உறவு வலுப்படும்.

தொழில் :
9ல் ராகு இருந்தாலும், 3ல் கேது இருப்பது விசேஷமானது. அதோடு சனிபகவான் 6ம் இடத்தில் இருப்பது மேலும் சிறப்பு. அதனால் உங்களின் தொழில், வேலையில் நற்பலன்கள் தரும்.

கேதுவின் 11ம் பார்வை லாப ஸ்தானத்தின் மீது விழுவதால் நேர்மையான முறையில் நீங்கள் உழைத்தால் நிச்சயம் முன்னேற்றம் தான். லாபம் அதிகரிக்கும். தொழில் போட்டிகள் குறையும்.

நிதி நிலை :
சிம்ம ராசியினர் கடுமையாக முயன்றாலும், நீங்கள் நினைத்தது போன்ற நிதி நிலை உயர்வு பெற முடியாது. வரவுக்கும், செலவுக்கும் சரியாக இருக்கும். 2022க்கு பின் உங்களின் பொருளாதார நிலை கண்டிப்பாக உயரும் என்பதை மனதில் வைத்துக் கொள்ளுங்கள். இருப்பினும் சரியான திட்டத்துடன் உங்கள் செயல்களை இந்தாண்டு செய்வது அவசியம்.

வழிபாடு :

  • குலதெய்வ வழிபாடு செய்யவும்.
  • வெள்ளிக்கிழமைகளில் ராகு காலத்தில் துர்க்கை அம்மன் வழிபாடு செய்து வரவும்.
  • உங்கள் ஜனன கால ஜாதகப்படி ராகு – கேது அமைப்பு சரியில்லாமல் இருப்பின் கும்பகோணம் திருநாகேஸ்வரம் ஆலயத்திற்குச் சென்று பால் அபிஷேகம் செய்து வரவும்.

Source link

Leave a Comment